Аймгийн “Цөлжилтийг сааруулах менежментийн 2020 оны төлөвлөгөөг хэрэгжүүлэх ажлын хүрээнд эвдрэлд орж орхигдсон газруудад техникийн нөхөн сэргээлт хийх” ажлын гэрээг нэг талаас аймгийн Засаг даргын Тамгын газар, нөгөө талаас “Өмнөговь аймгийн бичил уурхай эрхлэгчдийн холбоо” ТББ нар байгуулсаны дагуу техникийн нөхөн сэргээлтийн ажил хийгдэж байна. Нийт 21.5 га газарт техникийн нөхөн сэргээлт хийгдэх гэрээ байгуулагдсаны 11 га талбай нь Цогцолборт газарт байрлах Хувийн гол /Төлөг шовон-3га, Хадан бууц 3 га, Хэнгэрэг 4 га, Нарийн 1 га/ газрууд хамрагдаж байна. Тус нөхөн сэргээлийн ажил нь 10 сарын 14-нөөс 11 сарын 15-ны өдөр хүртэл хийгдэхээр гэрээ байгуулагдсан бөгөөд гүйцэтгэгч компаны үйл ажиллагаанд Хуулийн хэрэгжилт, хяналт шалгалт харицсан мэргэжилтэн В.Өсөхбаяр, байгаль хамгаалагч С.Өнөрбат нар хяналт тавин ажиллаж байна. Одоогийн байдлаар нөхөн сэргээлтийн ажлын явц 80%-тай явагдаж байна.