ХЗ-ны даргын баталсан удирдамжийн дагуу ТХГ-ын Орчны бүсийн тухай хууль, түүнд нийцүүлэн гаргасан журам, хууль тогтоомжийн биелэлтийг хангаж Орчны бүсийн зөвлөлийн үйл ажиллагааг идэвхжүүлэхээс гадна Төрийн хяналт шалгалтын тухай, ТХГН-ийн тухай, Зөрчлийн тухай, Зөрчил шалган шийдвэрлэх тухай, Ашигт малтмалын тухай, Газрын хэвлийн тухай хуулиудын хэрэгжилтийн байдалд гүйцэтгэлийн хяналт шалгалт хийх, илэрсэн зөрчил дутагдлыг арилгуулах талаар холбогдох хууль тогтоомжид нийцүүлэн арга хэмжээ авах, байгаль хамглаалагчдын хөрөнгийн тооллого хийх зорилгоор 08 сарын 24-нөөс 5 хоногийн хугацаат томилолтоор ахлах мэргэжилтэн Б.Батгэрэлээр ахлуулан мэргэжилтэн Т.Ганчулуун, нягтлан бодогч С.Дэлгэрцэцэг, жолооч Т.Өнөр нар Сэврэй, Булган, Гуртантэс сумдын нутагт ажиллаа. Мэргэжилтэн Т.Ганчулуун 08 сарын 24-нд Гурвантэс, 08 сарын 26-нд Сэврэй, 08 сарын 28-ны өдөр Булган сумдын Орчны бүсийн зөвлөлийн хурлыг зохион байгууллаа.

Гурвантэс сумын ОБЗ-ийн хуралд зөвлөлийн дарга Б.Отгонбаяр, нутгийн иргэдийн төлөөлөл болох Ч.Отгончимэг, С.Наранчимэг, ХЗ-ны байгаль хамгаалагч Бү Мөнхжаргал, Б.Уламбаяр, Сэврэй сумын ОБЗ-ийн хуралд ИТХ-ын Тэргүүлэгч Ц.Тэгш-эрх, иргэний төлөөлөл П.Отгон, ХЗ-ны байгаль хамгаалагч А.Нямүрэн, А.Мандах, Булган сумын хуралд Засаг даргын орлогч Э.Танхил-Од, ИТХ-ын Тэргүүлэгч С.Батжаргал, байгаль орчны мэргэжилтэн н.Хишигжаргал, ХЗ-ны байгаль хамглаалагч М.Энхсайхан нарын хүмүүс оролцож, ОБЗ-ийн үйл ажиллагааг чиглүүлж ажиллах хурал амжилттай зохион байгуулагдлаа. Хуралд оролцогчдод Орчны бүсийн тухай хууль болон ТХГН-ийн Орчны бүсэд ОБЗ байгуулахтай холбогдон гарсан журам танилцуулж, холбогдох гарын авлагаар хангаснаас гадна Орчны бүсийн зөвлөлийн дарга сонгох, ОБ-ийн менежментийн төлөвлөгөө боловсруулах, Орчны бүсийн сан, 4-р улирлын хурлын тов тогтоох асуудлуудын хүрээнд хурлыг зохион байгууллаа. Энэ жил орон нутгийн сонгууль болохтой холбоотойгоор бүх сумд сонгуулийн дараа ОБЗ-ийн бүтэц бүрэлдэхүүнийг өөрчлөх, даргыг шинээр сонгох, ОБ-ийн менежментийн төлөвлөгөөг шинээр сонгогдсон Засаг даргын үндсэн чиглэлтэй холбож боловсруулах, орчны бүсийн санг сэргээх ажлыг дотооддоо хэлэлцэж шийдвэрлэх зэрэг асуудлуудыг хэлэлцэж хурлын үйл ажиллагааг өндөрлөлөө.