Зүүнсайхан уулын Дүнгэнээгийн аманд мал амьтны гаралтай галзуу өвчин 2018 оны 07 сарын 08-ны өдөр гарсан тул мал, хүн, амьтан нэвтрүүлэхгүй, 14 хоногийн хугацаатай хөл хорио тогтоож, пост гарган ажиллаж байна. Дүнгэнээгийн амны эх болон адагт Хамгаалалтын захиргаа, Баяндалай сумын ЗДТГазар хяналт тавин ажиллаж байна. Мөн хур бороо муу, зуншлага тааруу байгаа учир үхсэн малын сэг зэмийг ариутгаж, устгах ажил хийгдлээ. Нийт 15 бод, бог нийлсэн сэг зэм ариутгаж устгалаа.